Menagerie

D Menascherii isch e historischi Form vo dr Dierhaltig, dr Vorlöifer vom zoologische Garde, wo sich erst im Lauf vom 19. Joorhundert entwicklet het. Dr Begriff Menascherii chunnt us em Franzöösische. Er isch e Leenwort us em Wortschatz vo de Buure und isch sit em 17. Joorhundert as Bezäichnig für e hööfischi Dierhaltig beläit. D Encyclopédie Méthodique vo 1782 definiert Menascherii as „établissement de luxe et de curiosité“. Erst spööter het mä dr Begriff au für Wanderusstellige (Wandermenascherii) brucht, wo durs Land zooge si und uf Joormärt gastiert häi.